Benvidos á web do concello de Aranga.
Podes utilizar a navegación por atallos. Segundo o navegador que utilices:
|
ACTIVIDADES DO CONCELLO DE ARANGA PARA O NADAL |
|
|
|
|
escrito por Administrator
|
|
Domingo, 06 2009 |
 FESTIVAL DE NADAL
O sábado 19 de decembro terá lugar o tradicional Festival de Nadal que dará comezo ás 16:30h e rematará aproximadamente ás 20:30h.
Durante esta xornada festiva os máis novos poderán gozar con inchables, diferentes obradoiros, karaoke e wii. Ademais da actuación de Sixto Malabarista.
Tamén haberá unha chocolatada e entrega de agasallos, remataremos a festa coa visita dos Reis Magos.
PISTA DE XEO
Esta saída tamén é habitual nestas datas, é unha actividade indicada para todas as idades, realizarémola o día 28 de decembro, saída do CEIP A Castellana ás 10:00h e chegada aproximadamente ás 13:30h.
Os menores de 8 anos deberán levar acompañante, é obrigatorio levar luvas, aconséllase levar casco e mudas de recambio.
ENCONTRO DEPORTIVO.
Os días 23 e 30 de decembro, o lugar está pendente de confirmación co equipo adversario. O horario de saída é ás 11.00h e a chegada aproximadamente ás 13:00h, as idades dos participantes é de 14 a 18 anos, haberá categoría feminina e masculina.
CANTURREADAS DE NADAL
O grupo “Patuleiriñas” da Escola Municipal de Folclore do Concello de Aranga amenizará as mañás dos días 24 e 31 con cantigas de Nadal, de Reis e Aninovo polas parroquias do Concello.
XORNADAS DE ESQUÍ
Neste ano irémonos de fin de semana á neve, á estación de montaña de Manzaneda, o horario é saída o 2 de xaneiro ás 8:00h do CEIP da Castellana, e chegada estimada o 3 de xaneiro ás 20:00h. Actividade aberta para todas as idades ( os menores de 12 anos terán que levar acompañante). Temos programado a realización de 2 xornadas de esquí e 1 xornada de piscina.
Prazas moi limitadas, a data límite de inscrición é o 22 de decembro.
XORNADA DE ESCALEXTRIC
Trae a túa pista e os coches, faremos un escalextric xigante!
Na Axencia de Lectura de Toxiño de 11:00h a 13:00h o día 24 de decembro (para todas as idades)
XORNADA DE WII
Pasaremos un bo anaco cos xogos da wii que traiades!!!!
O 29 de decembro na Aula de Informática de Aranga de 11:00h a 13:00h (para todas as idades)
OUTROS EVENTOS
ACTUACIÓN DO MAGO CAYETANO LLEDÓ, CEIP A Castellana
19 de decembro
SAÍDA AO TEATRO
CULLEREDO-ACIADAMA
Datas:15 DE XANEIRO Infantil e 1º ciclo de Primaria, horario:10:30 a 14:00
BUS MUNICIPAL PARA AS ACTIVIDADES NOS CENTROS MUNICIPAIS
(HORARIO E ITINERARIOS SEGUNDO DEMANDA)
INSCRICIÓNS NA CASA DO CONCELLO OU NO 981 793 351 ATA O 19 DE DECEMBRO |
