INICIO

PRESENTACIÓN DA CURTAMETRAXE “MEMORIAS DUN NENO LABREGO”

Detalles: Categoría: Novas cultura; Publicado o Martes, 17 Abril 2012 15:06; Escrito por admin; Visitas: 1653

O próxImo venres 20 de abril presentarase a curtametraxe “Memorias dun neno labrego” ; enmarcado dentro do II Plan Municipal de Igualdade de oportunidades entre mulleres e homes de Aranga 2010-2014.

Todas as paisaxes, os lugares e as actrices e os actores pertencen a Aranga.

Trátase dunha historia protagonizada por Lois, un rapaz de 10 anos de Aranga, que vive nunha granxa de vacas leiteiras, na que traballan os seus pais.

Ler máis:PRESENTACIÓN DA CURTAMETRAXE “MEMORIAS DUN NENO LABREGO”

NOVAS PLAN XERAL DE ORDENACIÓN MUNICIPAL DE ARANGA.

Detalles: Categoría: BANDOS; Publicado o Martes, 17 Abril 2012 14:53; Escrito por admin; Visitas: 2341

Por medio do presente Bando, pónse en coñecemento de todos os veciños do termo municipal, que o Pleno Municipal, na sesión que realizou o dia 10 de abril de 2012, fíxo a segunda aprobación inicial ao Plan Xeral de Ordenación Municipal de Aranga.

Iníciase un novo período de exposición pública de dous meses que se contarán dende o día seguinte a inserción do anuncio no Diario Oficial de Galicia.

Ler máis:NOVAS PLAN XERAL DE ORDENACIÓN MUNICIPAL DE ARANGA.

Programa FESTA DA SANTA CRUZ 2012

Detalles: Categoría: ASOCIACIONS; Publicado o Martes, 17 Abril 2012 14:47; Escrito por admin; Visitas: 1961

fonte santa cruz Os vindeiros días 3, 5 e 6 de maio de 2012 Aranga celebra as festas na honra da Santa Cruz.

- O xoves día 3 de maio haberá unha misa cada hora dende as 9 da mañá ata as 13:00 horas, que será a misa maior. A continuación a sesión vermú estará amenizada polo grupo espectáculo Troco. Haberá unha "pulpeira" instalada no campo da festa para a xente que se queira quedar a xantar e pola tarde continuaremos coa verbena co grupo de baile da EMF de Aranga "Patuleiriñas" e co grupo Troco. Tamén haberá misa ás 18:00 h.

- O sábado día 5 de maio a misa será ás 13:00 horas, a continuación sesión vermú co grupo Costa do Mar. Pola noite gran verbena co grupo Costa do Mar e coa orquestra Xacobeo.

- O domingo día 6 de maio haberá unha misa cada hora dende as 9 da mañá ata as 13:00 horas, que será a misa maior. A continuación a sesión vermú será a cargo da orquestra Impacto. Colocaranse mesas para as merendas no campo da festa e pola tarde haberá unha gran verbena coa orquestra Impacto. Tamén haberá misa ás 18:00 h.

O campo estará cuberto con carpa.

IX CONCURSO COIDANDO A NATUREZA 2012

Detalles: Categoría: Novas cultura; Publicado o Xoves, 12 Abril 2012 20:20; Escrito por admin; Visitas: 1605

natureza CATEGORÍA FOTOGRAFÍA “ARANGA AO NATURAL”

TEMA
Queremos que todo o mundo teña a oportunidade de presentar os seus
traballos fotográficos para que estes sexan o cartel do mes da
natureza 2013. Estes traballos teñen que mostrar a imaxe do medio
natural de Aranga.
OBXECTIVOS

Ler máis:IX CONCURSO COIDANDO A NATUREZA 2012

RECOLLIDA DE PLÁSTICOS AGRÍCOLAS

Detalles: Categoría: BANDOS; Publicado o Xoves, 12 Abril 2012 19:59; Escrito por admin; Visitas: 1913

O Concello vai proceder á recollida de plásticos agrícolas, por iso, as persoas interesadas en que se lles preste este servizo terán que depositar os plásticos debidamente dobrados e atados ao lado dos contedores do lixo existentes, con anterioridade ao día 19 de abril de 2012, data na que se procederá á súa retirada.

Galego de Cine, en Aranga

Detalles: Categoría: Novas cultura; Publicado o Xoves, 22 Marzo 2012 13:09; Escrito por admin; Visitas: 1599

Galego de Cine, é unha actividade pertencente ao programa de dinamización lingüística FalaRedes, da Secretaría Xeral de Política Lingüística para a Rede de Dinamización Lingüística da Xunta de Galicia.

Actividade destinada a 20 nenos e nenas de idades comprendidas entre os 6 e os 12 anos. Baséase na visión e no traballo con diferentes contidos audiovisuais en galego a través dos cales os nenos e as nenas participantes chegarán a construír o seu propio conto. Isto completarase cun vídeo-matón que lles permitirá aos rapaces gravar o conto inventado durante o desenvolvemento da actividade.

Ler máis:Galego de Cine, en Aranga